පැය 48ක් මුළු රටම අඳුරු වෙයි..!
OCTOBER 27, 2021
විදුලිය වෘත්තීය සමිතිවලින් අනතුරු ඇඟවීමක්
මෙරට එල්.එන්.ජී. සැපයුම ඇමෙරිකානු සමාගමකට පැවරීමට එරෙහිව විරෝධය පළකරමින් පැය 48 ක වෘත්තීය සමිති වැඩ වර්ජනයක් ක්‍රියාත්මක කිරීම කෙරෙහි අවධානය යොමුවී ඇතැයි විදුලි වෘත්තීය සමිති සඳහන් කරයි.
ආණ්ඩුවේ සෙසු පක්ෂ 11ක නායකයන් හා ඛනිජ තෙල්, විදුලිබල සහ වරාය වෘත්තීය සමිති කිහිපයක නායකයන් සමග බොරැල්ලේ පිහිටි කොමියුනිස්ට් පක්ෂ කාර්යාලයේ දී පැවති සාකච්ඡාවකින් පසු ලංකා විදුලි සේවක සංගමයේ ප්‍රධාන ලේකම් රන්ජන් ජයලාල් මහතා මේ බව ප්‍රකාශ කළේය.
“ආණ්ඩුව අපිට කියනවා. වැඩවර්ජනයකට පලයල්ලා. අඳුරේ තියපල්ලා. එතකින් මෙහා අපි මේ නරුම ප්‍රතිපත්තිය මේ ගිවිසුම අකුල ගන්නේ නැහැ කියලා..ඒ නිසා අපි ජනතාවට කියනවා. මේ තුවාලය සුව කරන්න ඔබට අපිට අඳුරේ ඉන්න වෙයි දවස් දෙකක්. අපි රට අඳුරට පත් කරනවා වැඩ වර්ජනයකට යනවා ” යනුවෙන් ඔහු මෙහිදී වැඩිදුරටත් අදහස් පළ කර තිබේ.
No comments:
Post a Comment