ඉන්දියාව සමග ක්‍රිකට් තරගාවලියකට සහභාගි විම සඳහා ගොස් සිටින ශ්‍රි ලංකා කණ්ඩායම රැගෙන යාම සඳහා සූදානම් කර තිබූ බස් රථය තුළ තිබී හිස් පතුරම් කොපු දෙකක් සොයාගෙන තිබේ.
ඉන්දීය මාධ්‍ය වාර්තා කළේ, ටෙස්ට් තරගයකට සහභාගි වීම සඳහා මෙහාලි වෙත ගොස් සිටින ශ්‍රී ලංකා කණ්ඩායම ප්‍රවාහනය කිරීමට සූදානම් කර තිබූ බස් රථයක් තුළ තිබි එම පතුරම් කොපු හමුවූ බව ය.
ක්‍රීඩකයින් බස් රථයට ඇතුළු වීමට පෙර කළ සෝදිසියකදී ඒවා හමුවී තිබේ.
මෙම බස් රථය පෞද්ගලික ප්‍රවාහන සේවාවකින් ලබාගෙන ඇතැයි ඉන්දීය මාධ්‍ය වාර්තා කර ඇත.
ඉන්දීය පොලිසිය පවසා ඇත්තේ, අදාළ බස් රථය දින කිහිපයකට පෙර විවාහ උත්සවයක් සඳහා
යොදාගෙන ඇති අතර අදාළ පතුරම් කොපු එම විවාහ උත්සවයට භාවිත කළ ඒවා විය හැකි බවට සැක කරන බව ය.
බස් රථයේ රියැදුරුගෙන් තවදුරට ත් ප්‍රශ්න කෙරේ.
No comments:
Post a Comment