තමිල්නාඩු මහ ඇමැති එම්.කේ. ස්ටාලින් වත්මන් ආර්ථික අර්බුදය හමුවේ ශ්‍රී ලංකාවේ දෙමළ ජනතාවට උදව් කිරීමට යෝජනා කර ඇති බව හින්දු පුවත්පත වාර්තා කරයි.
වාර්තාවට අනුව, ස්ටාලින් බ්‍රහස්පතින්දා ඉන්දීය විදේශ කටයුතු අමාත්‍ය එස්. ජයිශංකර් සමඟ දුරකථනයෙන් කතා කරමින්, ශ්‍රී ලංකාවේ දෙමළ ජනයාට උපකාර කිරීමට තමිල්නාඩු ආන්ඩුව කළ යෝජනාව නැවත අවධාරණය කළේය.
සංවාදය අතරතුර ස්ටාලින් පැවසුවේ ශ්‍රී ලංකාවේ නැගෙනහිර සහ උතුරු පළාත්වල සහ කොළඹ, යාපනයේ මෙන්ම කඳුකරයේ දෙමළ ජනතාවට ප්‍රතිලාභ සැලසීම සඳහා සහල්, ධාන්‍ය වර්ග සහ ජීවිතාරක්ෂක ඖෂධ වැනි අත්‍යාවශ්‍ය භාණ්ඩ තූතුකුඩි සිට නැව් මගින් සැපයීමට තමිල්නාඩු රජය සූදානම් බවයි.
කොළඹ සහ යාපනයේ පිහිටි ඉන්දීය රාජ්‍ය තාන්ත්‍රික දූත මණ්ඩල හරහා සැපයුම් බෙදාහරින ලෙස ද ප්‍රධාන අමාත්‍යවරයා ඉල්ලා සිටියේය.
මෙම ගැටළු සම්බන්ධයෙන් මාර්තු 31 වන දින ඉන්දීය අග්‍රාමාත්‍යවරයා සමඟ පැවති සාකච්ඡාව ද ස්ටාලින් සිහිපත් කළ අතර ශ්‍රී ලංකා නාවික හමුදාව විසින් තමිල්නාඩුවේ සිට පැමිණෙන ඉන්දීය ධීවරයින්ට නැවත නැවතත් පහර දීමේ සිද්ධීන් පිළිබඳව කනස්සල්ල පළ කළේය.
ශ්‍රී ලංකා අත්අඩංගුවේ සිටින තමිල්නාඩු ධීවරයන්ගේ බෝට්ටු නිදහස් කර ගැනීමේ අවශ්‍යතාව ද ඔහු යළිත් අවධාරණය කළේය.
ඊට ප්‍රතිචාර වශයෙන් විදේශ අමාත්‍ය එස්. ජයශංකර් තමිල්නාඩු මහ ඇමතිවරයාට සහතික වී ඇත්තේ ඔහු විසින් මතු කරන ලද ගැටළු සම්බන්ධයෙන් පියවර ගන්නා බවයි.
No comments:
Post a Comment