පාස්කුදා ප‍්‍රහාර එල්ල කිරීමේ සිද්ධියට අදාළව හිටපු පොලිස්පති පුජිත් ජයසුන්දර මහතාට එරෙහි නඩුවේ පැමිණිල්ල ලකුණු කළ ලේඛණ පරීක්‍ෂා කළා නම් ඔහුට එරෙහිව මෙම නඩුව නොදා ඉන්න තිබුණා යැයි ත්‍රි පුද්ගල මහාධිකරණ විනිසුරු මඩුල්ල ඊයේ (19දා) විවෘත අධිකරණයේදී පැවසීය.
පාස්කු ප‍්‍රහාරයට සිදුවීමට පෙර අවස්ථාවන් ගණනාවකදී බුද්ධි අංශ විසින් හිටපු පොලිස්පති පුජිත් ජයසුන්දර මහතා වෙත යොමු කළ ලිපි පරීක්‍ෂා කළ අවස්ථාවේදී නිරීක්‍ෂණ වු තත්වයන් මත මහාධිකරණ විනිසුරු මඩුල්ලේ සභාපති විනිසුරු නාමල් බළල්ලේ මහතා එසේ පැවසීය.
පොලිසිය විමර්ශනයක් කළා නම් නීතීපතිවරයාට, අධිකරණයට ඉදිරිපත් කළ යුත්තේ එකම ලේඛණ බවත් මෙම නඩුවේදී අපරාධ පරීක්‍ෂණ දෙපාර්තමෙන්තුවේ නිලධාරීන් එක එක ස්ථාන වලට ඉදිරිපත් කොට ඇත්තේ එක එක ලේඛණ බවත් පෙන්වා දුන් විනිසුුරු ආදිත්‍ය පටබැඳි මහතා මෙම තත්වය මත අපරාධ විමර්ශන ක‍්‍රියාදාමය පිළිබඳ මහජනතාව තුළ ඇති විශ්වාසය බිඳ වැටෙන බවත් පෙන්වා දුන්නේය.
පාස්කු ප‍්‍රහාරයට සිදුවීමට පෙර අවස්ථාවන් ගණනාවකදී බුද්ධි අංශ විසින් හිටපු පොලිස්පති පුජිත් ජයසුන්දර මහතා වෙත යොමු කළ ලිපි 31ක් අතුරින් ලිපි 21කට අවශ්‍ය පියවර ගන්නා ලෙස ත‍්‍රස්ත විමර්ශන අංශය, අපරාධ පරීක්‍ෂණ දෙපාර්තමේනතුව, නැගෙනහිර පළාත භාර නියෝජ්‍ය පොලිස්පතිවරයාට නියම කරමින් හිටපු පොලිස්පතිවරයා විසින් එම ලිපි යොමු කොට ඇති බව නිරීක්‍ෂණ කිරීමෙන් අනතුරුව විනිසුරු මඩුල්ල ඒ බව පෙන්වා දුන්නේය.
බුද්ධිමාල් රුබේරු
No comments:
Post a Comment