පවතින තත්ත්වය මත විදුලිය බිලෙහි වැඩිවීමක් අනිවාර්ය බව විදුලිය සම්බන්ධ කටයුතු නියාමනය කිරීමේ අධිකාරිය වන මහජන උපයෝගිතා කොමිෂන් සභාවේ සභාපති ජනක රත්නායක මහතා පවසයි. තවමත් මේ රටේ ජනතාව විදුලි බිලට ගෙවන්නේ හාල් සේරු දෙකක මුදලක් බවත් සියලු දේම වැඩිවන තත්ත්වයක් තුළ විදුලිය වැඩි වීමද අනිවාර්ය බවත් ඔහු පැවසුවේ ඊයේ (02) හිරු ප්‍රවෘත්ති වෙත ලබා දුන් සම්මුඛ සාකච්ඡාවකදීය.
ඒහිදි ජනක රත්නායක මහතා වදුරටත් ප්‍රකාශ කළේ විදුලිය වැඩි කිරීමේදී වියදම් පදනම් කරගත් මිල පාදක කර ගත් විශ්ලේෂණයකින් අනතුරුව විද්‍යනුකූලව ඒය සිදු කළ යුතු බවද දැනට විදුලිය කවර ප්‍රමාණයකින් බිල වැඩි වන්‌නේද යන්න පිළිබඳව පුරෝකථනය කළ නොහැකි බවද ඔහු ඒහිදී සඳහන් කළේය.
මේ දිනවල විදුලි නොකපා සැපයීමට ප්‍රමාණවත් ඉන්ධන තාප බලාගාර සඳහා ඉදිරි සතියක පමණ කාලයකට ලබා දීමට බලශක්ති අමාත්‍ය උදය ගම්මන්පිල මහතා තමන් සමඟ ඊයේ පැවති සාකච්චාවකදී දී ඒකඟ වූ බවත් ඒ් අනුව කටයුතු සිදුවනු ඇතැයි තමන් බලාපොරොත්තු වන බවත් සභාපතිවරයා තවදුරටත් ප්‍රකාශ කළේය.
No comments:
Post a Comment