ඉන්දියාවෙන් මෙරටට ලැබුණු ඩොලර් බිලියනයක ණය සහනය යටතේ මෙරටට ලබාගත හැකි ඇතැම් අත්‍යවශ්‍ය ආහාර ද්‍රව්‍ය තවමත් ලබාගෙන නැතැයි ද ඊට ජ්‍යෙෂ්ඨ රාජ්‍ය නිලධාරීන් කිහිප දෙනෙකුගේ වගකීම් විරහිතභාවය බලපා ඇතැයි ද තානාපති කාර්යාල ආරංචි මාර්ග සඳහන් කරයි.
ඒ වෙනුවෙන් ක්‍රියාකළ යුතු ඇතැම් රාජ්‍ය නිලධාරීන් ආණ්ඩුකරණයේ හටගෙන ඇති අර්බුදයට මුවා වී රාජකාරි නිසි ලෙස ඉටු නොකිරීමෙන් මෙම තත්වය නිර්මාණය වී ඇතැයි ප්‍රකාශකයෙක් පැවසීය.
ඉන්දීය අගමැති නරේන්ද්‍ර මෝදි මේ සම්බන්ධයෙන් ඉන්දියාවේ ශ්‍රී ලංකා මහකොමසාරිස් මිලින්ද මොරගොඩගෙන් ද කරුණු විමසා ඇත.
පසුව මිලින්ද මොරගොඩ මහතා මේ සම්බන්ධයෙන් කරුණු දැනුම්දීමෙන් අනතුරුව අදාළ රාජ්‍ය නිලධාරීන්ට කඩිනමින් ක්‍රියා කරන්නැයි ජනාධිපතිවරයා අවවාද කර ඇතැයි ද වාර්තා වේ.
ඉන්දිය රාජ්‍ය බැංකුව ණය පහසුව සපයන අතර මුදල් අමාත්‍යාංශය මෙම ණය මුදල යටතේ ගෙන්විය හැකි භාණ්ඩ තීරණය කරයි.
ඉන්ධන ආනයනය සඳහා අමෙරිකානු ඩොලර් මිලියන 500ක ණය මුදලක් වෙනම ඇති අතර මේ වනවිට එයින් ඩොලර් මිලියන 468ක ඉන්ධන ඉන්දියාවෙන් මිලට ගෙන අවසන් බව පැවසේ.
මේනක ගමගේ
No comments:
Post a Comment