ජාතික මලල ක්‍රීඩකයෙකු වන මනිවේල් සත්‍යශිලන් මහතා කොළඹ, ගාලු මුවදොර පිටියේ ආරම්භ කර ඇති විරෝධතාවට සහය දැක්වීම සඳහා අද (අප්‍රේල් 30) නුවරඑළිය නගරයේ සිට පා ගමනක් ආරම්භ කර තිබේ.
නුවරඑළිය, රාගල නගරයෙන් අද උදෑසන 10.00ට ගමන් ආරම්භ කළ ඔහු නුවරඑළිය, හැටන්, ගිනිගත්හේන සහ අවිස්සාවේල්ල යන නගර හරහා කිලෝමීටර් 175ක් දුර මෙලෙස පා ගමනින් පැමිණීමට නියමිත ය.
2002 වසරේ ඇවිදිමේ තරග සහ මීටර් 3,000 ධාවන තරගවලට සහභාගි වී ඇති ඔහු ආසියානු තරග කිහිපයකට ම සහභාගි වූ ක්‍රීඩකයෙකි.
මනිවේල් සත්‍යශීලන් මහතාට සහය දැක්වීම සඳහා ඔහුගේ බිරිඳ වන වලපනේ ප්‍රාදේශිය සභාවේ මන්ත්‍රිනී සමුගම් දේවප්‍රිය මහත්මිය ද සිය අවුරුදු 1 1/2ක් වයසැති පුතු සමග ත්‍රිරෝද රථයකින් ඔහු පසුපසින් ගමන් කරමින් ඇත.
• රංජිත් රාජපක්ෂ - හැටන්
No comments:
Post a Comment