කොවිඩ්-19 වසංගතය හමුවේ තවදුරටත් දෛනික කොරෝනා රෝගීන් වාර්තා විම සාපේක්ෂව ඉහළ අගයක ගනිමින් පවතිද්දි පවා රට තුළ පී.සී.ආර්. පරික්ෂණ සිදු කිරීම අවම අගයක් ගැනීම සම්බන්ධයෙන් වසංගත රෝග විද්‍යා ඒකකයේ  ප්‍රධානී විශේෂ ඥ වෛද්‍ය සමිත ගිනිගේ මහතා පැහැදිලි කිරීමක් කළේය.

ඔහු සඳහන් කළේ, මේ වන විට කොරෝනා වෛරසය ආසාදනය වි සිට සුවපත්ව මාස 6ක් පමණ ගතවූ පුද්ගලයින් යළිත් වරක් පී.සී.ආර්. පරික්ෂණයන්ට ලක් කළ ද ඔවුන් ආසාදිතයින් බවට පර්යේෂණ ප්‍රතිඵලය ලැබෙන බවත් එබැවින් අලුතෙන්ම වෛරසය ආසාදනය වූ පුද්ගලයින් නිවැරදිව හඳුනා ගැනීමට ඉන් බාධාවක් ඇති වන බවත් ය.

කෙසේ නමුත් යම් හෙයකින් කොරෝනාවෛරසය ආසාදිතව සිට සුවපත් වූවෙකු යළි පි.සී.ආර්. පරීක්ෂණයක් සිදු කර ආසාදිත බව හෙළි වුව ද එවැනෙකුගෙන් තවත් පුද්ගලයෙකුට වෛරසය පැතිරීමේ කිසිදු අවදානමක් නොමැති බව ද ඔහු අවධාරණය කළේය.

"ඉස්සර තිබුණු නිමිත්තයි දැන් තියෙන එකෙයි වෙනසක් තියනවා ඒ කියන්නේ අවශ්‍යතා අනුවයි ටෙස්ට් කරන්නේ. ඉස්සර 30,000ක් කරපු වගේ දැන් කරන්නේ 6000යි. ඔව්. ඒකට හේතුවක් තියෙනව. පී.සී.ආර් පරික්ෂණ කියන එකේ තියෙන දේ තමයි යම්කිසි පුද්ගලයෙක් පොසිටිව් පුද්ගලයෙකු වුණොත් මාස 4ක් 6ක් යනකන් ම ඒ පුද්ගලයාගේ පී.සී.ආර්. පරීක්ෂණයක් කළොත් ඒ පුද්ගලයා ධන පුද්ගලයෙක් හැටියට තමයි ප්‍රතිඵලය එන්නේ . ඒ පුද්ගලයන්ගෙන් හැබැයි සමාජයට කිසිදු හානියක් නෑ රෝගය පැතිරෙන. ඒ නිසා සාකච්ඡා කරලා පර්යේෂණ ප්‍රතිපත්තිය වෙනස් කරලා තියෙනවා

සමාජයේ ඉස්සර කරපු විදියට මේ හැමෝට ම ජී සී ආර්. පරීක්ෂණ කළොත් සැලකිය යුතු ප්‍රතිශතයක් ධන වෙයි. ඒකෙන් අදහස් වන්නේ නෑ ඔවුන් ආශ්‍රිතයින් කියලා හෝ දැනට රෝගය පතුරවන්න හැකියාව තියන අය නොවේ. ඒ හින්දා මෙවැනි තත්ත්වයකින් පස්සේ පී.සී.ආර් පරීක්ෂණ ප්‍රජාවේ රෝගීන් හොයා ගන්න තියෙන හැකියාව අඩු වෙලා තියෙනවා"

එබැවින් සැබෑ නව රෝගීන් හඳුනා ගැනීමේ ප්‍රතිපත්තිය වෙනස් කිරීමකට ලක් කර ඇති බව ඔහු පැවසිය.

එම ප්‍රතිපත්තියට අනුව කොරෝනා රෝග ලක්සණ සහිත පුද්ගලයින් හැකි සැණින් රෝහල්ගත වි හෝ ආසන්න ම සෞඛ්‍ය වෛද්‍ය කාර්යාල මගින් රැපිඩ් ඇන්ටිජන්ට් පරිඝණවලට ලක් විය යුතු අතර ඉන් ධනාත්මක බවට හෙළි වන රෝගීන් නව වෛරස ආසාදිතයින්” බවට හඳුනා ගන්නා බවත් ඔහු පැවසීය.

යම්කිසි හෙයකින් රෝග ලක්ෂණ ද සහිතව එලෙස සිදු කරනු ලබන රැපිඩ් ඇන්ටිජන්ට් පරීක්ෂණයකින් සෘණාත්මක බවට යම් රෝගියෙකුගේ පරික්ෂණ වාර්තා මගින් හෙළි වුවහොත් එවැනි රෝගින් ඒ අනුව පී.සී.ආර්. පරික්ෂණවලට යොමු කෙරෙන බව ඔහු සඳහන් කළේ ය.

"දැනට කරන දේ තමයි රෝග ලක්ෂණ තියෙන හැම දෙනාට ම රෝහලට යන්න නැත්නම් සෞඛ්‍ය වෛද්‍ය කාර්යාලවල දෙනිකව තියෙනවා රැපිඩ්ඩි ඇන්ටිජන් කරන්න.

රෝග ලක්ෂණ එක පොසිටිව් වුණා කියන්නේ, පොසිටිව් කියන එක අපි දන්නවා බැරි වෙලා හරි රෝග ලක්ෂණ තියෙන කෙනෙක් නෙගටිව් වුණොත් ජී සී ආර් පරීක්ෂණයකට ලක් කරනවා අපි. ඒකයි පරීක්ෂණ ප්‍රතිපත්ති වෙනස් වෙලා තියෙන්නේ

කාංචනා විජයබණ්ඩාර